الأهازيج والصرخات الكشفية
|المجال الكشفي|
الأغراض1:
_ يحفظ خمساً من الأهازيج والصرخات الكشفية. [رقم الغرض 25]
الفقرات
1. مجموعة من الأهازيج والصرخات الكشفية.
ملاحظات وإرشادات
- تختار قيادة الدورة الصرخات والأهازيج التي تراها مناسبة شرط أن تكون ذات مضامين تربوية.
- يجب أن تتميَّز الصرخات والأهازيج بالحيوية والنشاط.
- يجب أن يكون الإيقاع الموسيقي مناسباً ولا إشكال فيه.
- يمكن الاستفادة من متن "أنغام كشفية"2.
الطريقة
- يتمّ تقديم الصرخات على امتداد أيام الدورة بين الحصص التدريبية.
أهازيج وصرخات كشفية
نـشـيد الـجـمـعـيـة
رايتي أعليتها يا سماء رنّمي
أمّتي لبّيتها أفتديها بدمي
رايتي.. أمّتي أهّبيني أهّبي (اللازمة)
كشّافة المهدي
سرتُ كشّافاً مضيت طوع ربّي والكتاب
موطني صرحُ الخلود حدُّهُ عزمُ الشّباب
اللازمة
منّا أشبالٌ رجال للعلا قادوا الحياة
منّا زهرات السّنا مرشداتٌ قائدات
اللازمة
موكبي دوماً جهاد قائدي ذاك الأشمّ
قدوتي آلُ الهدى أمّتي خيرُ الأمم
اللازمة
شمسنا المهديُّ آت ساطعاً رغمَ الزَّمن
ينشر العدل المبين قائماً يحيي السُّنَن
اللازمة
رايتي أمّتي أنتِ أمّي وأبي
كشّافة المهدي
**************************
يا ربي صلي عالنبي وآل بيته الكرام
وصحبه المنتجبين عليهم منا السلام
***************************
شوف شوف شوف شوف
رح احكيها عالمكشوف
الإسرائيلي بشبعا طعم الراحة ما بيشوف
يا مقاوم يا عيوني (ني ني ني ني)
دمر كريات شمونة (ني ني ني ني)
بالكتيوشيا الميموني (ني ني ني ني)
هزمنا الجيش الصهيوني (ني ني ني ني)
ولا تهجير ولا توطين بابابارم بابابا
رح بتفل من فلسطين بابابارم بابابا
وهيدي القصة عالمكشوف
شوف شوف شوف شوف
رح احكيها عالمكشوف
الإسرائيلي بشبعا طعم الراحة ما بيشوف
****************************
رايات المهدي علوها فوق الغيمات
الصرخات الحلوة قولوها بأحلى نغمات
قائد بيضحي بأوقاتوا وبيعطينا معلوماتو
بسماتو بتسبق عبساتو بكل الأوقات (2)
*******************************
أن حابب والله تطلعني عالمخيم يا قائد
احلى ايام منقضيها بقلب المخيم يا قائد
أنا والله بحبك يا قائد
يسلملي قلبك يا قائد
سمعني صوتك واهديني أحلى كلمات (2)
هيدي الجمعية يا قائد أنا ما بنساها بنساها
ما بتصور إني ساعة بقعد بلاها بلاها
أنا والله بحبك يا قائد
يسلملي قلبك يا قائد
سمعني صوتك واهديني أحلى كلمات (2)
********************************
شدوا الرحال وهيا معنا هاتوا الحقائب هاتوا الحبال
في الغابة تحلو أيامنا وإلى السما تعلو الجبال
نمضي ونمشي والزاد قليل نعلو ونهبط فوق الهضاب
طريقنا صعب طويل لكننا نهوى الصعاب
كشافة المهدي أسود نحن الإبا نحن الرجال
قدسنا سوف تعود بالجهاد والنضال
*********************************
النداء الجواب
بدنا نعمل مخيم مخيم بدنا نعمل
في بقلبوا عشرين خيمة عشرين خيمة في بقلبوا
وحدّ الخيمة في شجرة في شجرة حدّ الخيمة
وحدّ الشجرة في حجرة في حجرة حدّ الشجرة
وحدّ الحجرة في نملة في نملة حدّ الحجرة
هس...
والنملة زعلانة كتير سكّر راسا من التفكير
وحيدة بالمخيم رفقاتا وقعوا بالبير
والعناصر منتشرين منتشرين العناصر
عم بيجوبوا البساتين البساتين عم بيجوبوا
هيدا عم ياكل تفاح عم ياكل تفاح هيدا
وهيدا عم يحوِّش تين عم يحوِّش تين هيدا
هس...
وحضر قائدنا الحبّوب والصبر ما إلو حدود
لازم لاقيلن حَلّة هيك المفوّض قَلّي
أحسن ما إلغي التخييم وقِلّا للفرقة فِلي
ما تفلي ما تفلي
أوعك أوعك
ما تفلي
************************************
ك ك كشفية ك ك كشفية
كشافة المهدوية ك ك كشفية
بقلبي وبيعنيّ ك ك كشفية
بدي اتحدى الشباب ك ك كشفية
والشاطر يوقف ليِّ ك ك كشفية
ويا قائد البحرية ك ك كشفية
عندك فرقة عادية ك ك كشفية
بتقلن يجو بكير ك ك كشفية
عم يجولك عشية ك ك كشفية
ويا قائد البرية ك ك كشفية
يا أبو الهمة القوية ك ك كشفية
الكشافة تحت أمرك ك ك كشفية
الواحد بيساوي مية ك ك كشفية
ويا قائد الجوالة ك ك كشفية
خطرت فكرة عبالي ك ك كشفية
هالجوالة تعبانين ك ك كشفية
رح نهديكن حمالة ك ك كشفية
*********************************
طيبة طيبة طيبة عال عال عال
بدا زقفة بدا زقفة (3 زقفات)
طيبة طيبة طيبة عال عال عال
بدا هيصة بدا هيصة (هاي هاي هاي)
طيبة طيبة طيبة عال عال عال
بدا ضحكة بدا ضحكة (ها ها ها)
*******************************
شفتن بالبرية ضربتلن سلام (هاي)
وتطَّلعوا فيِّ وحبَّيتن قوام (هاي)
وقلتلُّن شي نهار (هاي) باخدكن مشوار (هاي)
وحتى تعرفوني وتا تتذكروني
وما بتبقوا تنسوني
رح إلبس فولار (2)
الكشفي ة حبيتا وغيرا ما بدي (هاي)
وبقلبي حطيتا وبرحمة جدي (هاي)
لو شقَّفوني (هاي) أو قطعوني (هاي)
ما بترك رفقاتي لو بخسر حياتي
وبرحمة حماتي
بخلي الدني نار (2)
الكشافة بالغابة نصبت الخيم (هاي)
ويلا يا أصحابي نرفع العلم (هاي)
لو تعرف شو صار (هاي) بآخر نهار (هاي)
لعبنا وتسلينا وصلينا ودعينا
وبها الليلة عملنا
أحلى سهرة نار (2)
******************************
اضرب اطرح نقص زيد
نحنا نار نحنا حديد
وعن دربك يا جمعيتنا
شعرة وحدة ما منحيد
**************************************
نصيحة للمدرّب
لاتخجل من الإنشاد أمام الأفراد؛ لأنّ ذلك قد يُشعرهم بالخجل أيضاً، فيتردّدون بالمشاركة والتّجاوب.
تقييم
يردِّد المشاركون الصرخات والأهازيج بشكل جماعي، وبالتالي يتحقَّق الغرض.
ــــــــــــــــــــــــــــــــــــــــــــــــــــــــــــــــــــــــــــــــ
[1] رقم الغرض في بطاقة تقدم الفرد، يتحقق من خلال مشاركة الفرد في الأهازيج والصرخات أثناء الدورة.
[2] هذا الكتاب موجود في زاوية الإصدارات على منتدى مهدي الكشفي (www.mahdifamily.net/forum).
المخيّم الكشفي
